“Кыргыз Республикасынын мамлекеттик тили жөнүндө” Кыргыз Республикасынын Мыйзамынын кабыл алынгандыгынын 35 жылдыгына, Кара-Кыргыз автономиялуу облусунун түзүлгөндүгүнүн 100 жылдыгына карата мамлекеттик тилдин үч айлыгын жарыялоо максатында Кыргыз Республикасынын Билим берүү жана илим министрлигинин 2024-жылдын 10-сентябрындагы № 1404/1 буйругунун негизинде мамлекеттик тилдин үч айлыгы боюнча Кыргыз билим берүү академиясында өткөрүлүүчү иш-чаралардын планы бекитилген. 2024-жылдын 23-сентябрында “Тил –улуттун паспорту” темасынын алкагында иш-чара уюштурулду. Иш – чараны филологиялык билим берүү лабораториясынын башчысы п.и.к. А. Б. Батыркулова ачып, куттуктоо сөзүн КББАнын вице-президенти, психол.и.к., доцент Т.А.Коӊурбаевге жана вице-президент, п.и.к. М.У.Музулмановго берди. Т.А.Коӊурбаев Мамлекеттик тилдин үч айлыгы боюнча Кыргыз билим берүү академиясында өткөрүлүүчү иш-чаралардын планы менен тааныштырды, 3 ай ичинде өткөрүлүүчү конкурстар боюнча маалымат берди. Кызматкерлер тарабынан куттуктоолор, мамлекеттик тилдин абалы боюнча ойлор айтылды.
Иш-чаранын 2-бөлүгү Бишкек шаарындагы профессор А.Молдокулов атындагы Улуттук инновациялык технологиялар мектеп-лицейинин 6 е классынын окуучуларынын жана куратору А.З.Токтоналиеванын жогорку деӊгээлде даярдалган чакан концерттик программасы менен коштолду. КББАнын эмгек жамааты тарабынан тереӊ ыраазычылык билдирилди.
