2020 жылы 10-ноябрда “Манас” жамааты аттуу тайпа уюштурулуп, “Супара” улуттук комплексинде семинар болуп өткөн. Ошол мезгилден бери уюштурулган Манас жамааты өз ишин улантып келе жатат. Аталган жамаатта КББАнын жетектөөчү илимий кызматкери п.и.к. З.К.Мурзалиева жумушчу тобунун мүчөсү.
Ал эми 2022-жылдын 28-мартында “Манас” жамаатынын электрондук сайты Борбордук Азия мамлекеттеринин Америка унивеситетинин (АУЦА) жаш окутуучу Карабаев Даниярдын демилгеси менен салтанаттуу ачылыш аземи болуп өттү.
Ачылыш аземине илим, билим чөйрөсүнүн өкүлдөрү катышып, алгылыктуу иш чараны колдошту. Жаштарды окутуу, тарбиялоого карата, 2021-жылдагы КР Президентинин “Инсандын рухий-адеп-ахлактык өнүгүүсү жана дене тарбиясы” жарлыгына ылайык Улуттук баалуулуктарды электрондук технологиялар аркылуу-мультимедиа, аудио-видео, анемациялык материалдар менен камсыз кылуу билим берүү системасындагы бул алгылыктуу иштер учурдун талабы болмокчу.
